پارلایان گونش

قیشدا اؤز آتشین اول
خرمنین،کولَشین اول
لاپ قارانلیق گونلَرده
پارلایان گونَشین اول
Qışda öz atəşin ol
Xırmanın,küləşın ol
Lap Qaranlıq günlərdə
Parlayan günəşin ol

ساتیش

اؤلو،دیرینی ساتیر
خیردا،ایرینی ساتیر
بازار لاپ رؤونق لی دیر
هرکس بیرینی ساتیر
Ölü,dirini satir
Xirda,irini satir
Bazar lap rövnəqlidir
Hərkəs birini satir

دوزوم

سن سیز قارادیر اوزوم
یوخدور قراریم، دؤزوم
گل قوجاغیمدا اوتور
ساچلارینا گؤل دوزوم
Sənsiz qaradir üzüm
Yoxdur qərarim,düzüm
Gəl qucağimda otur
Saçlarına gül düzüm

اولدوز

سندن سورا یوخ اولدوز،ایشیق قلبیمده
قار،قیش دی،قارانلیق دی قیریق قلبیمده
سن سیز چوخ آغیر دی،زندگانلیق آجی دیر
اود توتموش و قارماقاریشیق قلبیمده

درد

اوغلان،کیشی،آروادی،قیزی سیندیرماز
باشی، اوره یی، قیچی،دیزی سیندیرماز
  دشمنلره دی ثابت اولوب دور دردی
بیز سیندیراریق،درد بیزی سیندماز