اشعار علیرضارضائی

اشعار فارسی و ترکی علیرضارضائی

اشعار علیرضارضائی

اشعار فارسی و ترکی علیرضارضائی

بایاتیلار

بو سؤز بَتَر درین دیر

لاپ دَیَرلی،وزین دیر

آنلاماز اول،آنلاماز

چونکو کئف ائششگین دیر

ایستیرم یاغیش گلسین

گؤزل، بزنمیش گلسین

فرق ائله‌مَز سئوگیلیم

یای گلسین، یا قیش گلسین

هر کئچی ارکک اولماز

هر آدام دلقک اولماز

ساققال چوخالسا اوغلوم

یون اولار، پشمک اولماز

حالیم بتر خراب دیر

اوره ک،غمدن کباب دیر

سَن بیلمیر سَن،بیلیرم

بیلمَک بؤیوک عذاب دیر

بیر گون قارانلیق بیتَر

ایشیق ساچار هر سحَر

عشقین تانریسی وئرَر

بیزه یئنی سئوگی‌لر

bir gün qaranlıq bitər

işıq saçar hər səhər

eşqin tanrısı verər

bizə yeni sevgilər

کئچی بالاسی چَپیش دیر
بهمن،دی،اسفند"قیش" دیر
باخیشلارین سون نفس
گولوشون یاشاییش دیر
keçi balası çəpişdir
Bəhmən, Dey, İsfənd qışdır. 
baxışların son nəfəs
gülüşün yaşayışdır.

کسیلیب صبریم،دیلیم

چوخدور دردیم،نیسگیلیم

عؤمور کئچدی،گلمه‌دی 

قیزیل ساچلی سئوگیلیم

kəsilib səbrim,dilim

çox dor dərdim, nisgilim

ömür keçdi,gəlmədi, 

Qızıl saçlı sevgilim

گؤنّش ایشیق ساچمادی

قارانلیقلار قاچمادی

یار گَلمه دی قرارا

پنجره نی آچمادی

من دئمیرم آلما آل

گرمک، قووون،آلما آل

انسانلاری چاشدیرار

هئی سؤیله مک،آلماآل

ائولری ونیز اولدو

باهاری پاییز اولدو

هر زادی سئل آپاردی

آق قلا دنیز الدو

کیم دئییب، غمدن دولماز

سارالیب،اؤلوب،سولماز

سن توخسان،خبرین یوخ

آجین آندی آند اولماز

kim deiyb qəmdən dolmaz

saralıb,ölüb,solmaz. 

sən toxsan,xəbərin yox

acın andı and olmaz

دوغدولار دولدو دونیا
سارالیب،سولدو دونیا!
نفس چکه بیلمه ییر!
باساباس اولدو دونیا!

سئوگی‌نین دریاسیدیر

یونانین زورباسیدیر

فتح اولونماز اورگیم

بابکین قالاسی دیر. 

sevginin dəryasıdır, 

Yunanın zorbasıdır

fəth olunmaz ürəyim 

babəkin qalasıdır

بولوددان قار گلمَه دی

آغاجدان نار گلمَه دی

گؤزوم قالدی یولوندا

یوخوما یار گلمَه دی

باش آیاق، سن من اولماز

قوش تویوق، دار گئن اولماز

بو سؤزو مندن اؤیرَن

هئچ کیم سنه سن اولماز

Baş ayaq, sən mən olmaz,

Quş toyuq, dar gen olmaz. 

bu sözü məndən öyren,

heç kim sənə "sən" olmaz.

غم، کدَردَن دولموشوق

یارپاق کیمین سولموشوق

بیر شی باهالاشماییب

بیزلر اوجوز اولموشوق

qəm, kədərdən dolmuşuq

yarpaq kimin solmuşuq

bir şey bahalaşmayıb

bizlər ucuz olmuşuq

‏

ایسته‌مه غمله گلیم

گؤزوم یاش،نمله گلیم

قوجاغین لاپ قیزیشدیر

بیر اؤپوش دمله گلیم

istəmə qəmlə gəlim

gözüm yaş, nəmlə gəlim

qucağın lap qızışdır

bir öpüş dəmlə gəlim

لک لکی لک لک دوغار

اینکی اینک دوغار

کیشی ائششک اولاندا

آروادی ائششک دوغار

باغیندا ایزیم اولار

شوشا،تبریزیم اولار

دوست بیلیر،دوشمن بیلیر

قاراباغ بیزیم اولار

Bağında izim olar

Şuşa Təbrizim olar

Dost bilir, düşmən bilir 

Qarabağ bizim olar

ییقیشد یریب دارا پول !

چکد ین بیزی دارا پول !
وارلی یئییب  پارتلاییر!
یوخسول دا یوخ قارا پول!

دؤولت میلّتی ساغیر
میلّتین دردى آغیر
میلّت بوز سو آختاریر
یئردن گؤیدَن اوْد یاغیر
Dövlət milləti sağır 
millətin dərdi ağır 
millət buz su axtarır 
yerdən göydən od yağır

‏

عشقین باشیندا تاجدیر

بیر آلاقورددور،آج دیر

سنین سئوگین ایچیمده

باش قالدیران آغاج دیر

eşqin başında tacdır 

bir ala qurddur,acdır 

sənin sevgin içimdə

baş 

qaldıran ağacdır


عشق شیرین دیر،مزه لی
سوردون دردی وار؟ بلی
عاشیق اولمایان آدام
یا اؤلو دور یا دَلی
Eşq şirindir,məzəli
Sordun,dərdi var?bəli
Aşiq olmayan adam
Ya ölüdür,ya dəli

حایاتدان یورولموشام
غم،کدردن دولموشام
آجیلار دنیزینده
چوخدان دیر بوغولموشام
Hayatdan yorulmuşum
Qəm,kədərdən dolmuşam
Acılar dənizinde
Çoxdandir boğolmuşam
سنینله بال،شکرم
دردین،نازین چکرم
گوزل،آغ یاناغیندا
آلمالیقلار اکرم

قورو،چیچکلی اولما

پاخیل،چورکلی اولما

اوزو بزکلی اولان

ایچی بزکلی اولما

غمدن سو ایچیر گئدیر
انسانی بیچیر گئدیر
عؤمروموز بیر یولچودور
حوزونله کئچیر گئدیر

Qəmdən su içir gedir
İnsanı biçir gedir
Ömrümüz bir yolçudur
Hüzünlə keçir gedir

اونا جانیم دئمه سین
غم، غصه سین یئمه سین
بیریسین ایستیرم کی
آیریسین ایستمه سین
ona canim deməsin
qəm, qüssəsin yeməsin
birisin istirəm ki
Ayrisin istəməsin

دوز آدامدان نیشان یوخ
یالان سوزو آلان یوخ
یالانچی دان اوزاقلاش
یالان اوسته یامان یوخ
düz adamdan nişan yox
yalan sözü alan yox
yalançidan uzqlaş
yalan üstə yaman yox

پاییز،قیش،باهارام من
سنه گوره وارام من
مین یول دونیایا گلسه م
سن سیز یاشامارام من
payız, qış, baharam mən
sənə görə varam mən
Min yol dünyaya gəlsəm
sənsız yaşamaram mən

باشیم گیجلمز آرتیق
ایشیم دوزلمز آرتیق
گئدیشیندن بللی دی
گئدیب او گلمز آرتیق
başım gicəlməz artıq
işim düzəlməz artıq
gedişindən bəllidi
gedib o, gəlməz artıq

عشق دن گؤزل پاییم وار
جننت ده ساراییم وار
ائل-عالمین بیر آیی
منیم ایکی آییم وار
Eşqdən gözəl payım var
cənnətdə sarayım var
el-aləmin bir ayı

گؤسترمز علاجی نی
کسمز دار آغاجی نی
هئچ کیم درک ائده بیلمز
ایچیمده کی آجی نی
gösterməz əlacını
kəsməz darağacını
heçkim dərkedə bilməz
içimdəki acicını

آزاد یا اسیر اولسان
یوخسول یا امیر اولسان
اؤلوم سنی سیندیرار
داش اولسان، دمیر اولسان
Azad ya əsir olsan
Yoxsul ya əmir olsan

Ölüm səni sindirar
Daş olsan, dəmir olsan

قارما-قاریشیق اولما
هر کیمَه عاشیق اولما
آنلاماز،کؤر آداما
گؤنش،آی،ایشیق اولما
qarmaqarışıq olma
Hər kimə aşıq olma
Anlamaz, kor adama
Günəş, ay, işıq olma