واز کئچمَم

دونیایا اینک کیمین گلیب غاز کئچمَمم
میخانا آچیق اولسا،اورا آز کئچمَم
میخانا،شراب و سازدان،ساقی دان
هر کیمسه منی منع ائله سین واز کئچمَم

صبر ائت

ای بادا گئدیب جلالی صبر ائت صبر ائت
داغ- داش،مئشه نین مارالی صبر  ائت،صبر ائت
مرهم اولاجاق دردلرینه اؤزگورلوک
ای قلبی درین یارالی صبر ائت،صبر ائت

Ey bada gedib cəlalı səbr et,səbr et.
Dağ-daş, meşənin maralı səbr et səbr et.
Mərhəm olacaq dərdlərinə özgürlük
Ey qəlbi dərin yaralı səbr et, səbr et 

چیرکین سؤز

بیر سؤز دئمه،چوخ دَرین دی،یوزمین سؤز دور
هر کیم بویوروب،گؤزل دی،شیرین سؤز دور
پیس سؤز ائشیدنده،من اؤلوم غصّه یئمَه
آلچاق آدامین سیلاحی چیرکین سؤز دور

درد

اوغلان،کیشی،آروادی،قیزی سیندیرماز
باشی، اوره یی، قیچی،دیزی سیندیرماز
  دشمنلره دی ثابت اولوب دور دردی
بیز سیندیراریق،درد بیزی سیندماز

سن سیزسن سیز

تاثیر یوخو نفس ده بوردا سن سیز
مین عاشق اؤلوب هوس ده بوردا سن سیز
یول باغلی،دومانلی ، لاپ اومودوم اوزولوب
هی آه چکیرم قفس ده بوردا سن سیز