اولوم

آزاد یا اسیر اولسان
یوخسول یا امیر اولسان
اؤلوم سنی سیندیرار
داش اولسان، دمیر اولسان
Azad ya əsir olsan
Yoxsul ya əmir olsan

Ölüm səni sindirar
Daş olsan, dəmir olsan

یاشاماق

سن فیکر ائلمه داغین ایچینده یاشادیم
جنّت ده،بولاغ-باغین ایچینده یاشادیم
بیر عمر عذاب چکدیم و جان وئردیم
بیر عدّه قورومساغین ایچینده یاشادیم

یولچو

غمدن سو ایچیر گئدیر
انسانی بیچیر گئدیر
عؤمروموز بیر یولچودور
حوزونله کئچیر گئدیر

Qəmdən su içir gedir
İnsanı biçir gedir
Ömrümüz bir yolçudur
Hüzünlə keçir gedir

ایزسیز دیار

گئنیش دیر آمما دار دیر
گئجه-گوندوزو تار دیر
هئچ بیر یولچوسو یوخدور
قلبیم ایزسیز دیار دیر
Genişdir amma dardır
Gecə-gündüz tardır
Heç bir yolçusu yoxdur
Qəlbim izsiz diyardır

آغ ساققال

شکر،بال اولا بیلمز
قورد،قارتال اولا بیلمَز
اَلی،جیبی بوش اولان
آغ ساققال اولا بیلمَز
Şəkər,bal olabilmez
Qurd,qartal olabilməz
Əli,cibi boş olan
Ağsaqqal olabilməz