وارلیق

پاییز،قیش،باهارام من
سنه گوره وارام من
مین یول دونیایا گلسه م
سن سیز یاشامارام من
payız, qış, baharam mən
sənə görə varam mən
Min yol dünyaya gəlsəm
sənsız yaşamaram mən

دوزوم

سن سیز قارادیر اوزوم
یوخدور قراریم، دؤزوم
گل قوجاغیمدا اوتور
ساچلارینا گؤل دوزوم
Sənsiz qaradir üzüm
Yoxdur qərarim,düzüm
Gəl qucağimda otur
Saçlarına gül düzüm

یاشلا

سَن سیز گول- چیچَک سولار
گؤزلریم یاشلا دولار
قلبین مَنده اولاندا
اَللرین کیمدَه اولار ؟
Sənsiz gül-çiçək solar
Gözlərim yaşla dolar
Gəlbin məndə olanda
Əllərin kimdə olar ?

وورغون

آتدان،سول-ساغدان دوشوب
داغدان،بوداغدان دوشوب
سن سیز وورغون اؤره ییم
الدن،آیاغدان دوشوب
Atdan,sol-sağdan düşüb
Dağdan, budağdan düşüb
Sənsiz vurğun ürəyim
Əldən,ayağıdan düşüb 

آجی خیابانلار

ایچیرم توفانلاری
درد لری ، دومانلاری
سن سیز یالقیز گزیرم
آجی خیابانلاری