اشعار علیرضارضائی

اشعار فارسی و ترکی علیرضارضائی

اشعار علیرضارضائی

اشعار فارسی و ترکی علیرضارضائی

دوبیتی طنز ترکی

دوداغلاری دولوب قند ونباتدان
گؤزل اندامی معنای حیاتدان
دوداغیندان دئدیم کی:«بیراؤپوش وئر»
دئدی:«هرگزکام آلمازائششک آتدان»!!

دئدیم حاجی غلاما قار یاغاندا

یئی هئیوا،نار،شاماما قار یاغاندا

ائشیک قارلی،دومانلی،لاپ سویوق دور

قال ائوده،گئت حاماما قار یاغاندا

محبّت،سئوگی، انسانلیق قاچاق دیر

عدالت بوردا بیر سونموش اجاق دیر

چاتا بیلمم دیکَک،ایستکلریمَه

چولاق دیر ائششکیم،مقصد اوزاق دیر

کیشی قهر ائیله ییب،آرواد دانیشمیر

حایاتین چرخی فیرلانمیر،چالیشمیر

باسیب خالقی اومید سیزلیق،قارانلیق

اوپوش،سئوگی،قوجاق،هیشزاد یاپیشمیر

علسگر آی علسگر آی علسگر !

اویان باخ گؤر اولوبدور دونیا محشر

گئدیر دکتر یانینا ماده «منظر»

چیخیر ایککی ساعات اوندان سورا نر!!


دوشونجه : فکیر دیر،انگشت :بارماق

علف اوت دیر، توانستن: باشارماق

نه یاخشی دیر فیکیرسیز زندگالیق

قوتور ائششک کیمین لذّت آپارماق

غَم دَن، غصّه دَن دولو دور اوره ک

شنلیک بیر قاشیق، غصّه مین کوره ک

میللت پیس گونه دوشوب، داغیلیب

نوخوشا داوا یوخ،ساغلارا چؤرَه ک

کئچر بیزدان سورا ایت باغیمیزدان

دئمَز کیمسَه ناغیل،غم، داغیمیزدان

گل ایچگی ایچ  اولندَن سونرا دایم

ورار کرپیج اجل تورپاغیمیزدان

قودوق،ائششک سورَن، قانماز،چاپارسان

بهشتی دونیادا نقدا تاپارسان 

بیتَر دردین داها قلبین سیخیلماز

توهّم دَن ایَر لذّت آپارسان

تو رأی از ارکک و دیشی گرفتی

وَ کُشتی با یکی کیشی گرفتی

ووروب مین حوقّا " بایدن " آغ سارایی

سونوندا از ساری پیشی گرفتی


قاریشدی آسیای غرب واورتا!

باهالاشدی تویوق،چای، ات،یومورتا!

ائدیبدیرسکته ایراندا اوجوزلوق!

یازیق میللت دوشوبدور زارت وزورتا!



اوغورلوقدان دَلَه اوغرو یورولماز
هئچ اوغرونون جیبی،قورساغی دولماز
گیلئی‌لیک ائیله‌دیم چون اوغرولاردان
دئدی قاضی:مئشَه چاققال‌سیز اولماز
oğurluqdan dələ oğru yorulmaz
heç oğrunun cibi,qursağı dolmaz
gileylik eylədim çün oğrulardan
dedi qazi :" meşə çaqqalsız olmaz



هلو صادر اولور قزوین،کرج دَن!

اوغورلوب وارلی اینسان کور،فلج دَن!

اوجاسسله دئییردی یونجالیغدا:

«سکینه دویمادی حاجی فرج دَن»!


کنیزی ،فرشی ،فراشی آپاردی!

آغاجی،توپراغی،داشی آپاردی!

قوناق اولدوبیزه،بیر اوغرو مومن

گئدنده بشقابی،آشی آپاردی!


بو دونیا جنّتِ نادان اولوبدور

اوره یی قان گوزل اینسان اولوبدور

دئدین : دونیا نه دیر ؟ بیر سینمادا

مزخرف فیلم دیر،اکران اولوبودور !!


یالان دیر سؤزلری،سَم دیر،ضرر دیر
چالیشماق،هر زادی،عؤمرو هدر دیر
یاخینلاشما اونا،یولداشلیق ائتمه
عاغیل سیز دوست دشمن دَن بتر دیر
Yalandır sözləri, səmdir, zərərdir
Çalışmaq, hər zadı, ömrü hədərdir
Yaxınlaşma ona, yoldaşlıq etmə
Ağılsız dost düşməndən bətərdir