aslanma

سو ایچمَه هر بولاغدان
گؤل دَرمَه هر یاناغدان
داغدان دوش، دَره دَه اؤل
آسلانما هر بوداغدان
su içmə hər bulaqdan
gül dərmə hər yanaqdan
dağdan düş dərədə öl
aslanma hər budaqdan

yağiş

ایشسیز آدام ایش ایستر
دیشسیز آدام،دیش ایستر 
شهرین موللاسی اؤلوم
اکینچی یاغیش ایستر
işsiz adam iş istər
dişsiz adam diş istər
şəhərin mollasi ölüm
əkinçi yağiş istər

sevmək

گؤزوم قالیب دیر سنده
سئویرَم سَنی منده
دونیا گؤزومدَن دوشدو
سَنَه گؤزوم دوشندَه
gözüm qalibdir səndə
sevirəm səni məndə
dünya gözümdən düsdü
sənə gözüm düşəndə

qurd

یوخدور آغلایانیمیز
قورد اولوب،چوبانیمیز
بیزلر بیر اسیریک کی
اؤلوب زیندانبانیمیز
yoxdur ağlayanimiz
qurd olub çobanimiz 
bizlər bir əsirik ki
ölüb zindanbanımız

uzaq

کیم دئییب دایاق اولار
گوز،آغیز،قولاق اولار ؟
گوز ده اولمایان آدام
کونول دن اوزاق اولار
kim deyib dayaq olar 
göz,ağız qulaq olar
gözdə olmayan adam 
könüldən uzaq olar