آغ ساققال

شکر،بال اولا بیلمز
قورد،قارتال اولا بیلمَز
اَلی،جیبی بوش اولان
آغ ساققال اولا بیلمَز
Şəkər,bal olabilmez
Qurd,qartal olabilməz
Əli,cibi boş olan
Ağsaqqal olabilməz

اولا بیلمز

اَت سیز،دوگو سیزسفره گولوستان اولا بیلمز!

یوخسول دیری قالسا خوش و میزان اولا بیلمَز!

یوخسوللاری ترغیب ائلمَه دؤز یولا زاهد

زیرا آج آدام صاحب ایمان اولابیلمَز!

چاتماز دَله اوغرو بویوک اوغرولارا هرگز

پیکان و ژیان خاور و نیسان اولا بیلمَز!

کارمند لباسیندا یوز ایل چاپماسا خلقی!

ایراندا ایکی اؤزلو آدام خان اولا بیلمَز!

یارانه لَری قطع ائله دی دولت امّید

گؤلدو دئدی:«یارانه فراوان اولا بیلمَز»!

کؤک سینه لری چوخ سئویرم بنده ولیکن

هرگز تویوغون کؤک سینه سی ران اولا بیلمَز!

یا اختلاس ائیلر یا الی اگری آدام دیر

بانک باشقانی ثابت اولوب اینسان اولا بیلمَز!

هرچند گؤزل ناحیه دیر«شهرنیویورک»

شک ائیلمه بیر گوشه ی تهران اولابیلمَز!!

با اینکه دئییب شعر و غزل،طنز«کل اوغلان»

«وورغون» کیمی بیر شاعیر دوران اولان بیلمَز!