قاراقیش

قاراقیش دیر،میللت اؤلور آجیندان
سوفره لَردَه تویوق،اَت دَن خبر یوخ
قار یئرینه زَهَر یاغیر فلک دَن
سو-چؤرَک دَن،بال-شربت دَن خبر یوخ

یاییلیب دیر جهالت ویروس کیمین
غارت ائدیر چین میللتی روس کیمین
سؤنوب چیراغین نورو فانوس کیمین
دوزگون لوک دَن،شرافت دَن خبر یوخ

انصاف کؤچوب،شرف چکلیب دارا
اینسانلیغین بدنی پاراپارا
اللر بوش دور،گؤزلر یاشلی،گون قارا
اینسانلیغدان،عدالت دَن خبر یوخ

مثل

بو دونیا بوجور بیتَر
آج آدام آجلیق چکر
من دئمیرم مثل دیر
"آج دوغرایار، توخ یئیَر"
Bu dünya bücür bitər
Ac adam açlıq çəkər 
Mən demirəm məsəl dir
Ac doğrayar tox yeyər

آجلیق

دفترینده نار چکیر
یوخوسوندا یار چکیر
آجلیق بیر لوت اینسان دیر
یوخسوللوغون جار چکیر
dəftərində nar çəkir
yuxusunda yar çəkir
acliq bir lüt insan dir
yosulluqun car çəkir

بیر طرف دن

گلیر شمرین باباسی بیر طرف دَن

حوسینین مبتلاسی بیر طرف دن

قارا کوینَک گئییب «حاجی سلیمان»

توکور قان- یاش آتاسی بیر طرف دَن

یاخیب ماتیک گؤتو بشکه« فرشته»

اولوب جیران بالاسی بیر طرف دَن

سئویر«تهمینه» نی الیاسین اوغلو

دئیر رستم:"قاداسی" بیر طرف دن

«سکینه دایقیزی» چای پایلاماغدا

باغیشلاندی خطاسی بیر طرف دن

الی اگری رئیسین باغری قان دیر

باشا گلمیر اداسی بیر طرف دن

اورکدن آغلاییر دوزگون،گول اوغلان

دَله،شهرت گداسی بیر طرف دن

یئره بیر عالمه لیوان توکوبلر

باتیق شهرین فضاسی بیر طرف دن

قیز-اوغلاندا حیا یوخدور گئدیبدیر

ار-آروادین حیاسی بیر طرف دن

ائدیب غیبت «پری»هیئت ده مین یول

اولوب تامین غذاسی بیر طرف دن

گؤیَه قالخیب جیریق طبلین صداسی

دول آروادین دعاسی بیر طرف دن

محرّم دیر منی آغلاتدی آجلیق

حوسینین ماجراسی بیر طرف دن