بو دونیادان

به غیر حسرت آپارماز بشر بودونیادان
قوتور کئچی کئچر و شیر نر بو دونیادان

غرورو ترک ائله، دایم مَنم مّنم ائله مَه
سّنی ده توپراق ائدَر، الحذر بو دونیادان

دّرین دَنیزدیر آدام اوغلونو بَتَر بوغاجاق
نجات تاپمایاجاق بیر نفر بو دونیادان

وئریر میللته دائم خبر او دونیادان
اگرچه شیخ ده یوخدور خبر بو دونیادان

فلاسفه بویوروبلار، منیم سؤزوم ده بودور
بیرآز لذّت آپار مختصر بو دونیادان

اگرچه درس اوخویوب، لاپ سفیه دی نوع بشر
قودوق گلیبدیر و ائششک گئدر بو دونیادان

الهی نامه

الهی اورپانی ویران ائله

پوخا باتمیش ایرانی آلمان ائله

دی یاغسین بولوددان شراب و عرق

بورانی بهشت ائیله،جبران ائله

نه دیر انقلاب زن و زندگی

قیز-آروادلاری اولدور اوغلان ائله

عزادان یورولدوق بیزیم ایچین بیر آز

چالیب اویناماق فیلمین اکران ائله

گوناهیم چوخالدی،منی توت آپار

گوزللر قوجاغیندا زندان ائله

تویوغی خروز و خروزی تویوق

پیشیک خصلت انسانی سیچان ائله

کدو تاپمادین زجر و تنبیه ائله

جهنّم ده شیخی بادمجان ائله !

اگر سن کیشی سن او دونیادا یوخ

قوجا آروادی بوردا جیران ائله !

با عشق در حوالی فاجعه

در قلب خشک و خالی من نیستی چرا ؟
پایان خشکسالی من نیستی چرا؟

دلتنگ توست رَج به رَج و تار و پودآن
نقش و نگار قالی من نیستی چرا؟

درمان و التیام تمامیّ دردها
فکر شکسته بالی من نیستی چرا؟

ای صد هزار میکده از مستی ات خراب
در کوزه سفالی من نیستی چرا ؟

در من هزار فاجعه رُخ می دهد هنوز
ای عشق در حوالی من نیستی چرا؟

بو شهرده

وار آج گوز آدام،آج،دَلی،چیلپاق بو شَهَرده
بیر گون ییخیلار چون دولو چاتلاق بو شَهَرده

گؤی دَن آجی، پیس ،درد و بلادان سورا یاغمیر
دریا،گؤل اولور چؤل، قورو،دوزلاق بو شَهَرده

دولت ده توکور طالع ایله دام،باجالاردان
کول باش آدامین باشینا تورپاق بو شَهَرده

مسئوللاری اوغرو،باجی،قارداش الی ایری
کؤک دَن پوزولوب حؤرمت و اخلاق بو شَهَرده

بیر قورد سمیناردا دانیشدی دئدی : ملت !
امنیّت جانی یوخو اوغلاق بو شَهَرده

قوربان کسیلیب بَللی دی کی ذرّه جَه چاتماز
یوخسول آداما،کاسیبا،داششاق بو شَهَرده

آرواد-کیشی نین کارخاناسی باغلانا بیلمَز
تولید اولاجاق هئی دَلی،آخماق بو شَهَرده

سلام اولسون

یول کسَن اکبرَه سلام اولسون !

اوغرو حاج اصغرَه سلام اولسون !

چایچی یَه،رشوه یَه،ایداره لرَه!

منشی یَه، دفترَه ،سلام اولسون !

اری قیز باز و آرواد اویناش باز!

بوجور آرواد–ارَه سلام اولسون !

اختلاس ائیله دی بش- اون میلیارد !

مال یایان صَفدَره سلام اولسون !

داها باغلانماسین قَه وَه خاناسی !

چای وئرَن قنبرَه سلام اولسون !

سنگک و بربری باهالاشدی !

چورَه گه،شاطرَه سلام اولسون !

گؤتوبوش قونشوموز- قاراصفرَه-

باجیسی دلبرَه سلام اولسون !

یوخسول اینسان دئدی:«دَدَم یاندی!

قاچدی بوردان هرَه »سلام اولسون !

قونشوموز آروادین بوشاندیردی !

آروادی هاجرَه سلام اولسون !

عقدائدیر،هی طلاق وئریر ،پول آلیر !

صاحب محضرَه سلام اولسون !

الیمیز چاتمادی،ولی هرکس

یئدی کهلیک،کرَه،سلام اولسون !

گئتدی میخانه یَه،دئدی بیر مست :

«ساقی یَه،ساغرَه سلام اولسون »!

-شعرینی  ساتمادی اگر شاعر

شعرینه،شاعرَه سلام اولسون !

ملانصرالدینه،دمکراسی یَه

طنزیازان صابره سلام اولسون!