bəhanə

دئمه قیزیل کیمین ویر
بول بول،زیبیل کیمین دیر
هر کیمسه ده تاپیلار
بهانه قیل کیمین دیر
demə qizil kimindir
bol bol,zibil kimindir
hər kimsede tapilar
bəhanə qil kimindir

yaman

دوغرولار یالان اولار
پالتارین پالان اولار
جیبین،الین بوش اولسا
یاخشی لار یامان اولار
doğrular yalan olar
paltarin palan olar
cibin,əlin boş olsa
yaxşilar yaman olar

sēn mənim

سن باغیم ،گول،چمنیم
قوجاغین دیر وطنیم
هئچ عیبی یوخ،قوی اولسون
آی گئجه نین،سن منیم
sən bağim,gül,çəmənim 
qucagindir vətənim
heç eybi yox qoy olsun
ay gecenin,sən mən

ac

درد،آمالینی بیلمَز
قال-ماقالینی بیلمَز 
الی بوش،آج قالمایان
آجین حالینی بیلمَز
dərd,amalini bilməz
qalmaqlini bilməz
əli boş,ac qalmayan
acin halini bilməz

xəbər

ایزین وار،اثَرین وار
لوطفون وار،قَهَرین وار
منیم کؤنلومدن سورا
هر شِی دَن خبرین وار
izin var,əsərin var
lütfün var,qəhərin var
mənim könlümdən sora
hər şeydən xəbərin var