یاشاییش

‏کئچی بالاسی چَپیش دیر
بهمن،دی،اسفند"قیش" دیر
باخیشلارین سون نفس
گولوشون یاشاییش دیر
keçi balası çəpişdir
Bəhmən, Dey, İsfənd qışdır. 
baxışların son nəfəs
gülüşün yaşayışdır.

عشقین تانریسی

‏بیر گون قارانلیق بیتَر

ایشیق ساچار هر سحَر

عشقین تانریسی وئرَر

بیزه یئنی سئوگی‌لر

bir gün qaranlıq bitər

işıq saçar hər səhər

eşqin tanrısı verər

bizə yeni sevgilər

قیزیل سوز

الاغین آدینی جیران قویوبلار !

پیشیکین آدینی آسلان قویوبلار!

اداره بوشدورآمما یول کسَنلَر

قاپی قانشارینا دربان قویوبلار !

بویورگل«قزوینه»،بانکین اؤنونده

بو خلقه جایزه اوغلان قویوبلار !

اوره کلی اختلاسچیلا ربوگونلر

سیزین تک بیزلری حیرانقویوبلار !

رئیس ِ بانکی،بانکی،قوزاییبلار!

بیزیم ایچین بیرجیریق تومّان قویوبلار !

بیرینین آدینی « مشدی غضنفر»

بیرینین آدینی «یوهان» قویوبلار!

دئییردی بیر قوجا:«چوخ یاخچی گونلَر

گئدیبلَر کؤنلومو ویران قویوبلار»!

دِئمه هرگز یئیبلرموفته رشوه

بو یولدارشوه خورلار جان قویوبلار !!

دئدی بیرعارف انسان،بیرقیزیل سؤز:

"گدانین آدینی سلطان قویوبلار"

بیر اوپوش

دوداغلاری دولوب قند ونباتدان
گؤزل اندامی معنای حیاتدان
دوداغیندان دئدیم کی:«بیراؤپوش وئر»
دئدی:«هرگزکام آلمازائششک آتدان»!!

بیلمَک

حالیم بتر خراب دیر

اوره ک،غمدن کباب دیر

سَن بیلمیر سَن،بیلیرم

بیلمَک بؤیوک عذاب دیر