کسیلیب صبریم،دیلیم

‏کسیلیب صبریم،دیلیم

چوخدور دردیم،نیسگیلیم

عؤمور کئچدی،گلمه‌دی 

قیزیل ساچلی سئوگیلیم

kəsilib səbrim,dilim

çox dor dərdim, nisgilim

ömür keçdi,gəlmədi, 

Qızıl saçlı sevgilim

یاشاییش

‏کئچی بالاسی چَپیش دیر
بهمن،دی،اسفند"قیش" دیر
باخیشلارین سون نفس
گولوشون یاشاییش دیر
keçi balası çəpişdir
Bəhmən, Dey, İsfənd qışdır. 
baxışların son nəfəs
gülüşün yaşayışdır.

عشقین تانریسی

‏بیر گون قارانلیق بیتَر

ایشیق ساچار هر سحَر

عشقین تانریسی وئرَر

بیزه یئنی سئوگی‌لر

bir gün qaranlıq bitər

işıq saçar hər səhər

eşqin tanrısı verər

bizə yeni sevgilər

آختارماق

دیشی دیر نر آختاریر

ارسیز دیر،ار آختاریر

آرابالار ایچینده

اللر نه لر آختاریر؟!

بیلمَک

حالیم بتر خراب دیر

اوره ک،غمدن کباب دیر

سَن بیلمیر سَن،بیلیرم

بیلمَک بؤیوک عذاب دیر