سن

‏باش آیاق، سن من اولماز

قوش تویوق، دار گئن اولماز

بو سؤزو مندن اؤیرَن

هئچ کیم سنه سن اولماز

Baş ayaq, sən mən olmaz,

Quş toyuq, dar gen olmaz. 

bu sözü məndən öyren,

heç kim sənə "sən" olmaz.

سوخماق

پول"پارا" و قالب ائلمَک "سوخماق" دیر

هر کیم قولاق آسماسا سؤزَه" آخماق" دیر

غم،غوصّه دَن اوچ شی ائدَر انسانی خلاص

سو،سبزه، گؤزَل قادینلارا باخماق دیر

یار گلمه دی

بولوددان قار گلمَه دی

آغاجدان نار گلمَه دی

گؤزوم قالدی یولوندا

یوخوما یار گلمَه دی

بابکین قالاسی

سئوگی‌نین دریاسیدیر

یونانین زورباسیدیر

فتح اولونماز اورگیم

بابکین قالاسی دیر. 

sevginin dəryasıdır, 

Yunanın zorbasıdır

fəth olunmaz ürəyim 

babəkin qalasıdır

باساباس

دوغدولار دولدو دونیا
سارالیب،سولدو دونیا!
نفس چکه بیلمه ییر!
باساباس اولدو دونیا!