şeyx

قیمتی باها اولوب 
صاحب اشتها اولوب
میللتین بئینینی شیخ
یئییب اژدها اولوب
qiyməti baha olub
sahib iştaha olub
millətin bəynnini şeyx
yeib ejderha olub

gözəl dost

دره-تپه،خار اولار
آدام گیریفتار اولار
گوزل دوستون یولوندا
بوران اولار،قار اولار
dərə-təpə,xar olar
adam giriftar olar
gözəl dostun yolunda
buran olar,qar olar

Çiçek

بیر گون درد،غوصّه قاچار
اومود گونشی ساچار
برک اول،دایان،اوزولمَه 
صبیر چیچک دیر آچار
bir gün dərd-qüssə qaçar
umud güneşi saçar
bərk ol dayan,üzülmə
səbır çiçek dır açar

سنی سئومک

نه قوللوق دور،نه عادت دیر
گوزللیک دیر،عبادت دیر
سن سیز قالماق : درد ،ایشگنجه
سنی سئومک سعادت دیر
ne qulluq dur,nə adət dir
gözəllik dir,ibadət dir
sənsiz qalmaq : dərd,işgəncə
seni sevmək səadət dir

آنلام

سحری،آخشامی یوخ
باهاری ،بایرامی یوخ
سن اولماسان گوزلیم
یاشامین آنلامی یوخ
Səhəri,axşamı yox
Bahari,bayrami yox
Sən olmasan gözəlim
Yaşamın anlami yox