ائشککلیک

سو قاتما سودا،بو ساده خالغا ساتما

تولکو صیفت اولما ، یولوموزدا یاتما

ال چکمه میشیک هله بیز ائششک لیکدَن

ای شیخ یالان دئمه بیزی آلداتما !

جنگ ائیله مه سن

مؤمن لریله صؤحبت و جنگ ائیله مَه سَن

قاچ گَل، خومارام، هی منی لنگ ائیله مَه سَن

پالچیق اولاجاق مؤمن و کافر آخر

ساقی مَنَه وئر باده، درنگ ائیله مَه سَن

اوجوز اوزوم

‏آغ بورانی، گلابی اولماز هرگیز

نوقصانلی آدام،حسابی اولماز هرگیز

مندَن ائشیت و قولاغینا سیرغا ائله

اوجوز اوزومون شرابی اولماز هرگیز

ağ boranı,gülabi olmaz hərgiz

nöqsanlı adam,hesabi olmaz hərgiz

məndən eşit o qulağına sırğa elə

ucuz üzümün şərabı olmaz hərgiz

عشق اولسون

عشق ائیله سین و همیشه جامی دولسون

توتدو الیمی ، قویمادی روحوم سولسون

دوندوردو سئوینجَه ،خوشلوغا پیس گونومو

هی توکدو شراب ،ساقیا عشق اولسون

تویوق

قار یاغدی و باشلاندی سویق ای ساقی

می وئرمَه، بیر آز چکیم چُپُق ای ساقی

من یوخسولم و قیسسا الیم چاتمیر اونا

بازاردا منَه گولور تویوق ای ساقی