چاتمازدی

ایگنه سی گؤزَه ،قلبیمزَه باتمازدی

کیرپی کیمی توخ، یوخسولا اوخ آتمازدی

بو دونیادا ذرّه جَه وفا اولسایدی

نوبت سَنَه و سونرا مَنَه چاتمازدی

چاخیر ایچ

گل مندَن ائشیت  قورخما اؤلوم، برزخ دَن

کئچ دونقوز، اینک ، قویون کیمین مسلخ دَن

اصلا نگران اولما ،چاخیر ایچ، کئف ائله

کیم گئتدی بهشته، کیم گلیب دوزخ دَن ؟!!

دایان ای ساقی

بو ملت اولوب بَتَر تالان ای ساقی

هر کیمسه دن آلداندی یامان ای ساقی

وئر باده نی چیخسین بو فیکیر بئینمیدن

غم دن اولورم گئتمه دایان ای ساقی

حقیقت

ایندی کی قیز اوغلان دیر و اوغلان باجی دیر

اوغرو،الی اگری،کوپک اوغلو :حاجی دیر

اسلام آدیلا شیخ سیچیب مملکته

بو نکته حقیقت دی،حقیقت آجی دیر

کور پیشیک

گؤردوم کی گئدیر او دلبر ِ هرجائی !

گؤز قویدوم اونا یاواش دئدیم :«می آئی »؟!

بیر دارکوچه دَه دؤندو منی هی سؤیدو

آتدی مَنه کور پیشیک کیمین دمپائی !!