qizil

گئت لذّت آپار باهاردا داغدان ،باغدان
ویسکی و  شراب ایچ قدَح، بارداغدان
ای ائششک آدام ! قیزیل دئیل سن، کی سنی
تورپاغا سوخوب چیخاردالار تورپاغدان

get ləzzet apar baharda dağdan,bağdan
Viski və şarabı iç qədəh,bardağdan
ey eşşək adam qizil dəeylsən,ki səni
torpağa sorub,çıkardalar torpağdan

Qəfəs

حیوانا بَشَر دئیَر
یاتماغا،هنَر دئیَر
اوچماغی بیلمَه یَن قوش
قَفَسَه قَدَر دئیَر

heyvana,bəşər deyər
yatmağa,hünər deyər
uçmaği bilməyən Quş
Qəfəsə qədər deyər

öləndən sora

کیم دئییر یارپاق اولماز؟
باغ،بولاق،اوتلاق اولماز ؟ 
آدام اولندن سورا
اوت،آغاج،تورپاق اولماز ؟
kim deyir yarpaq olmaz
bağ,bulaq,otlaq olmaz
adam öləndən sora
ot,ağac,torpaq olmaz

şeyx

قیمتی باها اولوب 
صاحب اشتها اولوب
میللتین بئینینی شیخ
یئییب اژدها اولوب
qiyməti baha olub
sahib iştaha olub
millətin bəynnini şeyx
yeib ejderha olub

kor

قَدَری،سوزو زور دور
مئهمان خاناسی گور دور
آغی قارادان سئچمَز
فلکین گوزو کور دور
qədəri,sözü zordur
mehmanxanasi gordur
aği qaradan seçməz
fələkin gözü kordur