gözəl şey

گؤزلرین،غزل،مئی دیر

گولسَن ایشیم اوکئی دیر

سنی سئومک،دوشونمک

اومودلو،گؤزل شئی دیر

gözlərin gəzəl,mey dir

gülsən işim okey dir

səni sevmək,düşünmək

umudlu , gözəl şey dir

böyüklük

نه گؤزده،نه قاشدا دیر
نه داغدا،نه داشدا دیر
بؤیوکلوک یاشلا دئییل
عقلی اولان باشدا دیر
nə gözdə, nə qaşda dir
nə dağda,nə daşda dir
böyüklük yaşla deyil
əqli olan başda dir

dönmək

یاریم وطنه دؤندو
روحوم بدنه دؤندو
 داشدان دا برک اوره ییم 
چاییر چمنه دؤندو
yarim vətənə döndü
ruhum bədənə döndü
daşdan da bərk ürəyim
çayır çəmənə döndü

yağiş

باهار اولدون،قیش اولدون
قهر اولدون،باریش اولدون
دومانلی داغلاریما
چؤلومه یاغیش اولدون
bahar oldun,qiş oldun
qəhr oldun,barış oldun
dumanlı dağlarima 
çölüme yağiş oldun

cəhənnəm

جنّت اورادیر که آه و ماتم یوخدور
ساقیّ و شراب چوخدور و غم یوخدور
باور ائلمَه پوچ و یالان وعده لری
بوردان سورا هئچ یئرده جهنّم یوخدور

cənnət oradır ki ah o matəm yoxdur
saqi o şərab çoxdur o qəm yoxdur 
bavər eləmə puç o yalan vədələri
burdan sora heç yerdə cəhənnəm yoxdur