سئودا

باغلارا بار گئتیردی
داغلارا قار گئتیردی
سنین سئودان کؤنلومه
یوزمین باهار گئتیردی
Bağlara bar gətirdi
Dağlara qar gətirdi
Sənin sevdan könlümə
Yüz min bahar gətirdi

قایا

Yaşamın mənasıdır
Doyğular adasıdır
Yar mənim dənizimin
Lap gözəl qayasıdır
یاشامین معناسى دیر
دویغولار آداسی دیر
یار منیم دنیزیمین
لاپ گؤزل قایاسی دیر

قوخوسو

بیری وارکی پری دیر
قهوه نین شکری دیر
آدی،یادی،قوخوسو
دیلیمین ازبری دیر
Biri var ki pəridir
Qəhvənin şəkəridir
Adı, yadı, qoxusu
Dilimin əzbəridir

قالمادی

یومورتا،یاغ قالمادی
داغ-داش،چؤل،باغ قالمادی
اوغرولارین الیندن
هئچ بیر شی ساغ قالمادی
Yumurta, yağ qalmadı
Dağ-daş,çöl , bağ qalmadı
Oğruların əllindən
Heç bir şey sağ qalmadı

ایزسیز دیار

گئنیش دیر آمما دار دیر
گئجه-گوندوزو تار دیر
هئچ بیر یولچوسو یوخدور
قلبیم ایزسیز دیار دیر
Genişdir amma dardır
Gecə-gündüz tardır
Heç bir yolçusu yoxdur
Qəlbim izsiz diyardır