گونش اوزلو قادین

سیزه دئمَه م آدینی
هئچ کیم بیلمز دادینی
سئومیشم، سئوجه یم
گونش اوزلو قادینی

سئومک

سئومک بوردا یاساق دیر

سن سیز دونیام دوستاق دیر

بیر عوموردور اللریم

اللریندن اوزاق دیر

سئومک

گر حافظ سئویر«حاجی قوامی»

سئویر قزوینلی ده «حاجی غلامی »!

اداره یاخشی یئردیر،اورداگؤردوم

رئیس و منشی و نوکر حرامی !

گئچن ایل شیخیمیز آلدی«پری» نی !

یئنی ایلده آلیب قونشو «تمامی»!

دؤنن گؤردوم کی بیر بیچاره انسان

سحردن آختاریر آشغالدا،شامی !

دئمه کی گؤرموشم،حسّ ائتمیشم من

همیشه گؤسته ره ر پول احترامی !

گل آرواد آل ، سوبای قالما ،جاوندان !

بوسؤزلرله بوتون آل انتقامی !

منیم شعردئییل گوجلو ،ولیکن

دئیرلرکی سنه چاتماز «نظامی »!!

«رضائی»چوخ گوزل انسان دیر آمما

بو آلچاق شعری تک یوخدور دوامی !!

مبحت اکمک

نییه بواتفاق شوم دوشدو

نییه قازماق باداگئتدی قازان دان؟

خروزلاریوخلاییبلارکندیمیزده

نییه قارداش خبریوخدوراذان دان ؟

نییه میللت اولوب اوغرو،یالانچی

نییه یاددان چیخیب صلح وصداقت؟

نییه یالقیزدیلار دایم ار-آرواد؟

نییه افسانه دی عشق ومحبت ؟

نییه دونیادا بیرمجنون تاپیلمیر؟

نییه عاشق ده اصلا درد وغم یوخ ؟

نییه لیلی گورونموردوره میزده

نییه افسانه دی اصلی،کرم یوخ ؟

گونش چیخدی،گئنه ایستی اوجالدی

گئنه سئومک دن ای جان ائیله صحبت

اکینجی لراکیربوغدا گئنه سن

محبت اک،محبت اک،محبت