یار گلمه دی

بولوددان قار گلمَه دی

آغاجدان نار گلمَه دی

گؤزوم قالدی یولوندا

یوخوما یار گلمَه دی

بابکین قالاسی

سئوگی‌نین دریاسیدیر

یونانین زورباسیدیر

فتح اولونماز اورگیم

بابکین قالاسی دیر. 

sevginin dəryasıdır, 

Yunanın zorbasıdır

fəth olunmaz ürəyim 

babəkin qalasıdır

باساباس

دوغدولار دولدو دونیا
سارالیب،سولدو دونیا!
نفس چکه بیلمه ییر!
باساباس اولدو دونیا!

آجین آندی

کیم دئییب، غمدن دولماز

سارالیب،اؤلوب،سولماز

سن توخسان،خبرین یوخ

آجین آندی آند اولماز

kim deiyb qəmdən dolmaz

saralıb,ölüb,solmaz. 

sən toxsan,xəbərin yox

acın andı and olmaz

آق قلا

ائولری ونیز اولدو

باهاری پاییز اولدو

هر زادی سئل آپاردی

آق قلا دنیز الدو