گمی

دَردلَری ساتان منم
اومود سوز یاتان منم
دَنیزسیز شَهَرلردَه
گمیسی باتان منم
Dərdləri satan mənən
Umudsuz yatan mənəm
Dənizsiz şəhərlərdə
Gəmisi batan mənəm

بوغماق

تک قویما آپار منی
یالقیزلیق آغلار منی
گئتمه،گئت سَن بیر آخشام
سَن سیزلیک بوغار منی
Tək qoyma apar məni
Yalqizliq ağlar məni
Getmə,getsen bir axşam
Sən sizlik boğar məni 

دنیز

قوروموش کَهریز کیمین
بیر صاحب سیز ایز کیمین
چوخدان دیر کی اولموشام
دالغاسیز دنیز کیمین
Qurumuş kəhriz kimin
Bir sahipsiz iz kimin
Çoxdandir ki olmuşum
Dalgasız dəniz kimin

یوخو

روحوم سولماز،سارالماز
غم کونلومدان باج آلماز
بیر گون یوخودان دوررام
گوزوم یولوندا قالماز
Ruhum solmaz,saralmaz
Qem kunlumdan bac almaz
Bir gün yoxudan durram
Gözüm yolunda qalmaz

سن گلدین

آغاجلارا بار گلدی
آلما گلدی،نار گلدی
بوزلایان اوره ییمَه
سن گلدین،باهار گلدی
Ağaclara bar gəldi
Alma geldi,nar gəldi
Buzlayan ürəyimə
Sən gəldin,bahar gəldi