دلی

عشق شیرین دیر،مزه لی
سوردون دردی وار؟ بلی
عاشیق اولمایان آدام
یا اؤلو دور یا دَلی
Eşq şirindir,məzəli
Sordun,dərdi var?bəli
Aşiq olmayan adam
Ya ölüdür,ya dəli

قونارخانا

دئمه کی میخانا دیر

بیزه آتا،آنا دیر

اودوب،لاپ اودوزورسان

دونیا قومارخانا دیر

Deməki meyxanadir

Bizə ata,anadır

Udub,lap uduzursan 

Dünya qumarxanadir

آجی

سئوگی آغاجی اکدیم
سئومک ده،بال،پتک دیم
آنلامازدیم خوش ایدیم
آنلادیم،آجی چکدیم
Sevgi Ağacı əkdim
Sevmək də bal-pətəkdim
Anlamazdım xoş idim
Anladım,acı çəkdim

کول

سن سولسان من سولارام
قورتولسان،قورتولارام
سَن مَنه یان گؤر نئجه
من سَنه کول اولارام
Sən solsan, mən solaram
Qurtulsan, qurtularam
Sən mənə yan gör necə
Mən sənə kül olaram

یورغون

ازیلیب جانلاریمیز

قورویوب قانلاریمیز

حالیمیزا آغلاییر

یورغون یورغانلاریمیز

Əzilib canlarımız

Quruyub qanlarımız

Halımıza ağlayır

Yorğun yorğanlarımız