قیرماقند

اوره ییم،آغ جییَرسن
جانیمدا ایز- اثر سن
آجیلارین ایچینده
بیر قیرماقند،شکر سن
Ürəyim, ağ ciyər sən
Canimda iz-əsər sən
Acilarin içində
Bir qirmaqend,şəkər sən

قاریشدیرماق

آتشی آلیشدیرار
ساواشی قیزیشدیرار
کیتاب قاریشدیرمایان
اورتانی قاریشدیرار
Atəşi alişdirar
Savaşı qizişdirar
Kitab qarişdirmayan
Ortani qaristirar

یاراتدی

قربان اولوم آللاها
هر زادی پیس یاراتدی
آج آدامی وورماغا
گزمه،پلیس یاراتدی 

دئدی دوز آدام اولون
بهشته اعزام اولون
شراب اولدو،جام اولون
سونرا ابلیس یاراتدی !

قورخمادی آغ- قارادان
اوتانمادی یارادان
افغانستان یارادان
لندن،پاریس یاراتدی

سئوگی

زیروه ده،داغدا ساخلار 
قورو چؤل،باغدا ساخلار
دونیادا بیر انسانی
سئوگی آیاغدا ساخلار

اونوتما

قاچما،دایان، اونوتما
بیر دَم،بیر آن اونوتما 
عاشیق اولوب،سئومه یی
هئچ بیر زامان اونوتما
Qaçma,dayan,unutma
Bir dəm,bir an,unutma
Aşiq olub,sevməi
Heç bir zaman unutma