کئچن زامان

یاخشی- یامان قاییتماز
دئمه دایان! قاییتماز
آخار سویا بنزه یه ر
کئچن زامان قاییتماز
Yaxşı, yaman qayıtmaz
Demə dayan,qayıtmaz
Axar suya benzəyər
Keçən zaman qayıtmaz

آجی چکن

سس سیز دیر داد ائیله مز
آه و فریاد ائیله مز
آجی چکن آدامی
هئچ بیر شی شاد ائیله مز

ار آرواد

پول وئرمیر، موفته ایستیر
چک وئرمیر، سفته ایستیر
آرواد دئییردی: اریم
ات آلمیر کوفته ایستیر

اؤلدورمک

دوست، دشمنی اؤلدورر
باش بیلنی اؤلدورر
وارلیغین آغیرلیغی
بیر گؤن منی اؤلدورر
Dost, düşməni öldürər
Baş biləni öldüər
Varlığın ağırlığı
Bir gün məni öldürər

گؤزللیک

قویما غم بیزی چالسین
سئودا گؤلو سارالسین
قاییت گل قوجاغیما
قوی دونیا گؤزل قالسین
Qoyma qəm bizi çalsin
Sevda gülü saralsin
Qayet gel qucağima
Qoy dünya gözəl qalsin