تانری

آجی لار شیرین اولار
داشلیق یئر،اکین اولار
ائششک، آت-چیرکین، گوزل
تانری ایسته سین اولار

ار آرواد

پول وئرمیر، موفته ایستیر
چک وئرمیر، سفته ایستیر
آرواد دئییردی: اریم
ات آلمیر کوفته ایستیر

قیش

سن سیز چای شیرین اولماز
هئچ بیر شی درین اولماز
قیش دیر آمما قوجاغیم
سن اولسان سرین اولماز
Sən siz çay şirin olmaz
Heç bir şey dərin olmaz
Qiş dir amaa qucağim
Sən olsan sərin olmaz

شاعر

معنالی، درین اولماز
یاییندا، بیچین اولماز
درد چکمه ین شاعرین
سؤزلری شیرین اولماز

اؤلدورمک

دوست، دشمنی اؤلدورر
باش بیلنی اؤلدورر
وارلیغین آغیرلیغی
بیر گؤن منی اؤلدورر
Dost, düşməni öldürər
Baş biləni öldüər
Varlığın ağırlığı
Bir gün məni öldürər