رباعیات طنز آمیز ترکی

اینسانلاری آج گوزلو،یالانچی،دَله دیر

اوغرو کدَه،بیر خرابه،ایران بئله دیر

معلوم دئییل گونَش ،قارانلیق ...بیلیرم

بیرگون دوغاجاق بو مملکت حامله دیر !

---

پول"پارا" و قالب ائلمَک "سوخماق" دیر

هر کیم قولاق آسماسا سؤزَه" آخماق" دیر

غم،غوصّه دَن اوچ شی ائدَر انسانی خلاص

سو،سبزه، گؤزَل قادینلارا باخماق دیر

---

گئج گلمَه،منی غوصه چاپار ای ساقی

مین بیر قودوق،ائششک و قاتار ای ساقی

گلدین منه بیر قازان چاخیر،وودکا گتیر

میندیر آتا دردیمی آپار ای ساقی

gec gəlmə məni qüssə çapar ey saqi

min bir qoduq, eşşək o qatar ey saqi

gəldin mənə bir qazan çaxır, vodka gətir

mindir ata dərdimi apar ey saqi

---

گؤردوم کی گئدیر او دلبر ِ هرجائی !

گؤز قویدوم اونا یاواش دئدیم :«می آئی »؟!

بیر دارکوچه دَه دؤندو منی هی سؤیدو

آتدی مَنه کور پیشیک کیمین دمپائی !!

---

ایندی کی قیز اوغلان دیر و اوغلان باجی دیر

اوغرو،الی اگری،کوپک اوغلو :حاجی دیر

اسلام آدیلا شیخ سیچیب مملکته

بو نکته حقیقت دی،حقیقت آجی دیر

---

بو ملت اولوب بَتَر تالان ای ساقی

هر کیمسه دن آلداندی یامان ای ساقی

وئر باده نی چیخسین بو فیکیر بئینمیدن

غم دن اولورم گئتمه دایان ای ساقی

---

ایگنه سی گؤزَه ،قلبیمزَه باتمازدی

کیرپی کیمی توخ، یوخسولا اوخ آتمازدی

بو دونیادا ذرّه جَه وفا اولسایدی

نوبت سَنَه و سونرا مَنَه چاتمازدی

---

‏آغ بورانی، گلابی اولماز هرگیز

نوقصانلی آدام،حسابی اولماز هرگیز

مندَن ائشیت و قولاغینا سیرغا ائله

اوجوز اوزومون شرابی اولماز هرگیز

ağ boranı,gülabi olmaz hərgiz

nöqsanlı adam,hesabi olmaz hərgiz

məndən eşit o qulağına sırğa elə

ucuz üzümün şərabı olmaz hərgiz

---

مؤمن لریله صؤحبت و جنگ ائیله مَه سَن

قاچ گَل، خومارام، هی منی لنگ ائیله مَه سَن

پالچیق اولاجاق مؤمن و کافر آخر

ساقی مَنَه وئر باده، درنگ ائیله مَه سَن

---

ایرانلی آدام گوناه دان ال چَکمَز
اولماز آدام  ایشتباهدان ال چَکمَز
مین یول اؤلسَه،دیریلسَه اؤزگور یاشاماز
معتاددی،شیخ و شاه دان ال چَکمَز

---

بیر سؤز دئمه،چوخ دَرین دی،یوزمین سؤز دور
هر کیم بویوروب،گؤزل دی،شیرین سؤز دور
پیس سؤز ائشیدنده،من اؤلوم غصّه یئمَه
آلچاق آدامین سیلاحی چیرکین سؤز دور