قطعه های طنز آمیز ترکی

وطنی ساخلاماغی ،عاعیله نی

آی کیشی ساخسی نردَه د ن اؤرگن !

مردمین سیرّینی دئمه خالقا

حفظ اسراری پرده دن اؤرگن!

---

یوخسول اینسان بازارچادا

میوه لَرَه باخدی گئتدی !

میوَه قیمتی اؤد کیمین !

 اؤره گینی یاخدی گئتدی !

ایلدیریم تَک غملَر گَلدی

 وار؛یؤخونا شاخدی گئتدی

غصّه بوکولمیش بئلینه

 قیلینجینی تاخدی گئتدی

باهالیقدان قان آغلادی

 گؤز یاشلاری آخدی گئتدی

---

هی دئمه،هی سوروشما

هارانی سئل آپاردی !

ساری نی،آغی،گؤیی

قارانی سئل آپاردی !

یوخسولو تالان ائتدی

دارانی سئل آپاردی !

آرامیز لاپ قاریشدی

آرانی سئل آپاردی

ارزشی یوخدور داها

پارانی سئل آپاردی !

آپاردی خان چوبانی 
سارانی سئل آپاردی

---

من اگر کشور ایراندا رئیس جمهور اولام
کیشی- آروادلارا بیر سئومه لی دامن وئره رم !

دئییرم شالوار ی هئچ اؤلکه ده دار تیکمیَه لَر !
شالواری کارخانادا موفته تیکیب ؛گئن وئره رم !

ویرالار تاکی یاماق دیزلَرینه ملَّتیمیز !
آیدا هر بیر نفره اون دانا «سوزن » وئره رم !

باخمایین ،ساققالیم اؤلماسادا روشن فکرم !
رای گتیرسَم هاموزا آلتی دانا «زن » وئره رم !

چکه رم تئز ائشیگه یاغلاری انبارلاردان !
گتیریب آی باشی بوش سفره زه «روغن »وئره رم !

کیشی لر، آرتیرارام هر گئجه یارانه نیزی !
«دلار»رین ارزشی یوخدور«یورو »هردن وئره رم !

آی هارای مردم آچین سفره لری چونکی سیزه !
گونده بوندان سورا نفتین پولونو من وئره رم !

«کامران » - «هومنی » قزوینلی لره پایلاشارام !
«نانسی عجرمی » اوغلانلارا فعلن وئره رم !

گولمه یین سؤزلریمه من کی یالانچی دئییلم !
کُره ی ماهدا سوبای اینسانا مسکن وئره رم !

---

سؤیله دی گون اورتا گئتدیم مسجده

اوغرولار جازلادیلار باشماغیمی !

اعتراض ائتدیم ولی مردم دوتوب

زیرزمین ده چکدیلر داششاغیمی !

کوچه ده پارک ایله دیم ماشینیمی

قوزادیلار چرخ ایلن  قالپاغیمی !!

ات ساتان،بنّا،چورکچی،جوشکار

ویردیلار دین آدیلا خیرتلاغیمی !

ایککی اؤزلو اوغرو مؤمن لر بوتون

بولدوزور تک پوزدولار اخلاقیمی !

---

 غارته همت ائدیب،بئل باغلادی

چاپدی خالقی،چوخ اؤرکلرداغلادی

قوردایله هم سؤفره اؤلدو مش حسن
ال-بویون آمماچوبانلا آغلادی

---

گؤزل قیزا ائلچی گلیب بیر گئجه
تا کی او قیز اختیار ائتسین اَری

بیری«حسن» ،مؤمن آدام ، سئومه لی
چیرکین ایدی ، بوم بوش ایدی ال لری

ایکینجی نین آدی«علی» ، چوخ گؤزل
یوخسول ایدی ، کافر و دین دَن بری !

اوچونجونون«جعفر» آدی، وارلی دی
جمالی یوخ،آللاها یوخ باوری !

قیزین آتاسی دئدی:« سَن به یه ن دین 
هانسی نی ای بو عالمین دلبری » ؟

قیز دئدی:« آی آتا باغیشلا منی !
ایسته ییرم « حسنعلی جعفری  ! ! ! !»

---

بیر قادین ائتدی شکایت قاضییَه

تا بوشانسین بلکه تئز گئتسین اَره

باشینا چکمیشدی بیر آغ چارشابی

گؤرسه نیردی گؤزلری پارلاق ، قَرَه

باخدی شورگؤز قاضییَه ،قاضی دئدی :

«قلبیمی آلدین آپاردین یکسره»!

دوتدو آرواد جانبین ، شرم ائتمه دی

حقی وئردی ظۆلمولَه اۏ دلبره

آنلادی بو ماجرانی اؤز اَری

چادرانی سالدی باشیندان یئره

گؤردو اۏ قاضی کی چیرکین دیر اۆزۆ

سؤیلَدی :منشی؛تئز اۏل؛یاز دفتره

«گؤزلرین مظلوم گؤزودور آی قادین

اوخشاییر آمما اۆزۆن ظالیم لَرَه

---

سویله دیم، من دَن ائشیت ، یاز،یای ، اوخو

چاغ ، ائل ، تاریخ اونوتماز بو سوزو

ظلم دیر ایراندا اولسون بیر آدام

هم دیلی زینداندا اولسون هم اوزو

---

اوستورا مسجد ده گر وارلی آدام

سؤیله یرلر خالق :« رحمتلر سنه »!

اؤسکوره اوردا اگر یوخسول آدام

هی دئیرلر :« آی لعنتلر سنه »!

آی پول ! الله دئیل سن پس نه سن ؟

باش ایَر دونیادا میلتلر سنه

---

گئت اوخو تاریخی ائششک میللته

انقلابدان سونرا آلدانماق قالار

هئچ قازانماز ، عومرونو الدن وئرَر

آلدانان اینسانا گوت یانماق قالار

---

سوروشدو بیر نفر کی پول قازانماق
نَه‌لر ایستیر ؟ گوج ایستیر؟ ثروت ایستیر؟
دئدیم کی: ایشله مَک ،مال، پول قازانماق 
گؤزل قارداش!گؤت ایستیر،غیرت ایستیر
Soruşdu bir nəfər ki pul qazanmaq
Nələr istir? Güc istir? Sərvət istir?
Dedim ki işləmək,mal,pul qazanmaq
Gözəl qardaş! Göt istir,qeyrət istir