ساتیش

اؤلو،دیرینی ساتیر
خیردا،ایرینی ساتیر
بازار لاپ رؤونق لی دیر
هرکس بیرینی ساتیر
Ölü,dirini satir
Xirda,irini satir
Bazar lap rövnəqlidir
Hərkəs birini satir

آدام

خسته دیر،ساغلام اولماز
ماتم دیر،بایرام اولماز
ذاتی پیس اولان آدام
دوزلمَز،آدام اولماز
Xəstədir,sağlam olmaz
Matəmdir,bayram olmaz
Zati pis olan adam
Dülzəlməz,adam olmaz

چیرکین سؤز

بیر سؤز دئمه،چوخ دَرین دی،یوزمین سؤز دور
هر کیم بویوروب،گؤزل دی،شیرین سؤز دور
پیس سؤز ائشیدنده،من اؤلوم غصّه یئمَه
آلچاق آدامین سیلاحی چیرکین سؤز دور

عشق

غم،غصّه نی سؤپورَر
دردی یئردَن گؤتورَر
سَن گل منی قوجاغلا
عشق اوز ایشینی گؤرَر
Qəm,qüssəni süpürər
Dərdi yerdən qötürər
Sən gəl məni qucaqla
Eşq öz işini görər

تورپاق

بیرَر بیرَر آپارار
باسیب،ازَر آپارار
هر جور یاپیشان سنی
تورپاق چکر آپارار
Birər birər aparar
Basib əzər aparar
Hər cur yapişsan səni
Torpaq çəkər aparar