ار آرواد

پول وئرمیر، موفته ایستیر
چک وئرمیر، سفته ایستیر
آرواد دئییردی: اریم
ات آلمیر کوفته ایستیر

وارلیق

پاییز،قیش،باهارام من
سنه گوره وارام من
مین یول دونیایا گلسه م
سن سیز یاشامارام من
payız, qış, baharam mən
sənə görə varam mən
Min yol dünyaya gəlsəm
sənsız yaşamaram mən

کول

سن سولسان من سولارام
قورتولسان،قورتولارام
سَن مَنه یان گؤر نئجه
من سَنه کول اولارام
Sən solsan, mən solaram
Qurtulsan, qurtularam
Sən mənə yan gör necə
Mən sənə kül olaram

sən

گوزومون ببه یی سن
کؤنلومون دیله یی سن
چیرکین،یالان دونیانین
أن گؤزل گئرچه یی سن
gözümün bəbəyi sən
Könlümün diləyi sən
çirkin,yalan dünyanın
ən gözəl gərçəyi sən