بو دونیادان

به غیر حسرت آپارماز بشر بودونیادان
قوتور کئچی کئچر و شیر نر بو دونیادان

غرورو ترک ائله، دایم مَنم مّنم ائله مَه
سّنی ده توپراق ائدَر، الحذر بو دونیادان

دّرین دَنیزدیر آدام اوغلونو بَتَر بوغاجاق
نجات تاپمایاجاق بیر نفر بو دونیادان

وئریر میللته دائم خبر او دونیادان
اگرچه شیخ ده یوخدور خبر بو دونیادان

فلاسفه بویوروبلار، منیم سؤزوم ده بودور
بیرآز لذّت آپار مختصر بو دونیادان

اگرچه درس اوخویوب، لاپ سفیه دی نوع بشر
قودوق گلیبدیر و ائششک گئدر بو دونیادان

qağiş

نیفرت،قارغیشیم اولماز
آلیش-وئریشیم اولماز
آتداندا یئره دوشسَم
ائششکله ایشیم اولماز
nifrət,qağişim olmaz
aliş-verişim olmaz
atdanda yerə düşsəm
eşşəklə işim olmaz 

کیشی

لک لکی لک لک دۏغار
میخکی  میخک دۏغار
 کیشی  ائششک اولاندا
آروادی ائششک دۏغار

بیر قازان چاخیر

گئج گلمَه،منی غوصه چاپار ای ساقی

مین بیر قودوق،ائششک و قاتار ای ساقی

گلدین منه بیر قازان چاخیر،وودکا گتیر

میندیر آتا دردیمی آپار ای ساقی

gec gəlmə məni qüssə çapar ey saqi

min bir qoduq, eşşək o qatar ey saqi

gəldin mənə bir qazan çaxır, vodka gətir

mindir ata dərdimi apar ey saqi

بیر اوپوش

دوداغلاری دولوب قند ونباتدان
گؤزل اندامی معنای حیاتدان
دوداغیندان دئدیم کی:«بیراؤپوش وئر»
دئدی:«هرگزکام آلمازائششک آتدان»!!