کیسه بوکس

کاسیب آدام بنده دیر
اؤلوب آمما زنده دیر
تانرینین درگاهیندا
کیسه بوکس حُکمونده دیر

عشق

بوش یولوندا دوراجاق

قلبینده اوتوراجاق

گؤزل گؤزلرینده عشق

بیر گون یووا قوراجاق

اکین

یالانچی‌دا دین اولماز

ات آجی شیرین اولماز

آتا- بابا دئییب‌لر

داش اوسته اکین اولماز

دَب

"گؤز" چشم،"دوداق" لب اولار

"قیزدیرما" دا تب اولار

پیس ایشلره ال آتما

یاواش یاواش دَب اولار

یاش گؤزلریم

یاش گؤزلریم قارالیر

تئللریمی قار آلیر
آرواد اوشاق یانیندا
هرگون اوزوم قارالیر