شورگوز قاضی

بیر قادین ائتدی شکایت قاضییَه

تا بوشانسین بلکه تئز گئتسین اَره

باشینا چکمیشدی بیر آغ چارشابی

گؤرسه نیردی گؤزلری پارلاق ، قَرَه

باخدی شورگؤز قاضییَه ،قاضی دئدی :

«قلبیمی آلدین آپاردین یکسره»!

دوتدو آرواد جانبین ، شرم ائتمه دی

حقی وئردی ظۆلمولَه اۏ دلبره

آنلادی بو ماجرانی اؤز اَری

چادرانی سالدی باشیندان یئره

گؤردو اۏ قاضی کی چیرکین دیر اۆزۆ

سؤیلَدی :منشی؛تئز اۏل؛یاز دفتره

«گؤزلرین مظلوم گؤزودور آی قادین

اوخشاییر آمما اۆزۆن ظالیم لَرَه