الی بوش

دوغوم گوندن چکیب حسرت الی بوش

آلین یازیسی دیر ذلت الی بوش

بیرآرواد وار سککیز دوققوز اوشاقی

ائدیب تولید ده شرکت الی بوش

فلاکت دریاسیندا غرق اولوبدور

نجاتا تاپمیوب فرصت الی بوش

قوناقلیغا ائشیتدیم دعوت اولدو

تویوغا وئرمه دی مهلت الی بوش

بوراخدی آروادی آجلیق گوجوندن

دؤنن تا ائیله دی وصلت الی بوش

باغیرساقی اولار آباد اگرکی

گتیرسین یوزمین ایل طاقت الی بوش

اؤله ر بورجون سونوندا،بورج باشیندا

دیری دیر بیر نئچه مدّت الی بوش

بهشته ایسته ییر یول تاپسا ،شاید

بیر آزجا ائیله سین عشرت الی بوش

اون – اون بش درصدی وارلی،ولیکن

تپرسیز،آج،بیر ملت،الی بوش

پولون اولسا کیشی،ارباب،آغاسان

اگرکی اولماسا،نکبت الی بوش

توکوب یارانه دولت،بانک اونونده

توتوب هرکیمسه دن سبقت الی بوش

باش

تریاک خود و شیشه و خشخاش خودت باش

چون مردم چین نشئه لی  از شاش خودت باش

بو دونیادا هئچ سئوگیله یالوار-یاخار ائتمه

وورغون خود و دلبر و اویناش خودت باش

بئل باغلاما اؤزگه - تانیشا آی گؤزل انسان

متشکّر و یاردیمجی و یولداش خودت باش

خیدمت ائلمَه دشمَنَه،هر ائششک آداما

قوللوق چو و باشقان و قیزیلباش خودت باش

از خاکه و تورپاق خودت بر سر خود ریز

بوینو بوروق و کاسیب و کول باش خودت باش

آلچاق آدامین دام-داشنیا گئتمَه و گزمَه

در خانه و در لانه و دام-داش خودت باش

ارکک-دیشی نین مینّتی نی،رسمینی چَکمَه

منّت چکن و عاشیق و نقّاش خودت باش

دار-گؤز آدامین شورباسینی آت چؤله،ایچمَه

سر مست و توخ از یَخنی و از  آش خودت باش

دؤز سَپمَه یارالاریما آی مزّه لی اینسان

قاچ گئت بورادان،دوز و شکرپاش خودت باش

یوخ

اولوبلار آج و آج میللت دَه دین یوخ 
بو میللت دَه به غیر از آج قارین یوخ

سیچیب دونیایا گل گؤر، دی :یاشاسین!
ترامپِ بینی بوش،  "چین"و  " پوتین" یوخ!

تاپیلمیر " وارفارین" ایراندا بیرگؤن
تاپیلسا، هی گئت آختار "انسولین" یوخ

قیز- اوغلانلار سوبای، دئپرس، کَدَرلی
زنا و صیغه چوخ دور، توی، کبین یوخ

نَه دیر ایران؟: بولاشیق بیر خیارلیق 
بو بوستاندا آراماق و وجین یوخ

اولار خوش حالینا یولداش، اگر کی
اوشاغین یا کی آروادین، اَرین، یوخ

چاتار بیر گؤن مَنَه "حافظ" چالیشسین
اگر سعی ائیله سین" ابن یمین" یوخ

" کل اوغلانین" بوتون اشعاری یاوه 
مزخرف دیر،دَیَرلی و دَرین یوخ

#علیرضا_رضائی 
#کل_اوغلان
@keloglan1349

مرسی

زاهد ائله دی ملّتی غارت،دئدی:مرسی
مسجددَه گئدیب آلدی طهارت،دئدی مرسی

نفتین پولونو چکدی یوخاری،چاخیر ایچدی
چون ائیله دی لاپ دفع ملالت،دئدی:مرسی

آج قونشولاری گؤردو ولیکن او حیاسیز
هیچ چکمَه دی بیر ذرّه خجالت،دئدی:مرسی

حؤرمتلی بویوک اوغرولارا بیر کیچیک اوغرو
هر گؤن ائله دی عرض ارادت،دئدی:مرسی

پول آلدی ناماز قیلدی،گؤزل شیخی گؤرَندَه
هم مؤمن و هم اهل ضلالت،دئدی:مرسی

ظلم ائیله دی ارباب رجوعا گئده قاضی
چون گؤردو کی هئچ یوخدو عدالت دئدی مرسی

زاهد یالان دئدی

زاهد یالان دئدی ؛ هامی زادی اوغورلادی 
آللاهی ؛ اعتقادی ؛ معادی اوغورلادی !

گئتدیم دونن دواخانایا ؛گلد ی بیر نفر
شربت ؛ سرنگی ؛ قرصی ؛ پمادی اوغورلادی !

اولدو رئیس شهریمیزین بی سوادی تا
مدرک دوزلتدی؛علم و سوادی اوغورلادی !

تا کی اونون حکومتی چوخ پایدار اولا
شمری؛یزیدی؛ابن زیادی اوغورلادی !

یوخسول بالاسی مدرسه ده همّت اِیلَدی 
دفتر؛کتابی؛پولو؛مدادی اوغورلادی !

ویردی ستاد شهریمیزین اوغروسی اگر
اوغری رقیبی گلدی ستادی اوغورلادی !!

یؤل تاپدی تا خزانه یه «حاجی مراد یمیز»
ائتدی اشاره پوللاری«هادی»اوغورلادی !!

مامورآد یلا« رمضان»؛چیخدی داملارا
دیشی؛«ال.ام.بی.»نی؛هامی زادی اوغورلادی!!