قاراداغ

‏مئشه کیمین،باغ کیمین

یاش،قورو یارپاق کیمین

 اود توتوب سَن سیز یانیر

کؤنلوم قاراداغ کیمین

Meşə kimin, bağ kimin

Yaş, quru yarpaq kimin

Od tutub sənsiz, yanır 

Könlüm Qaradağ kimin

دوغماق

لک لکی لک لک دوغار

اینکی اینک دوغار

کیشی ائششک اولاندا

آروادی ائششک دوغار

بیر اوپوش

‏ایسته‌مه غمله گلیم

گؤزوم یاش،نمله گلیم

قوجاغین لاپ قیزیشدیر

بیر اؤپوش دمله گلیم

istəmə qəmlə gəlim

gözüm yaş, nəmlə gəlim

qucağın lap qızışdır

bir öpüş dəmlə gəlim

اوجوز

غم، کدَردَن دولموشوق

یارپاق کیمین سولموشوق

بیر شی باهالاشماییب

بیزلر اوجوز اولموشوق

qəm, kədərdən dolmuşuq

yarpaq kimin solmuşuq

bir şey bahalaşmayıb

bizlər ucuz olmuşuq

قار یاغاندا

دئدیم حاجی غلاما قار یاغاندا

یئی هئیوا،نار،شاماما قار یاغاندا

ائشیک قارلی،دومانلی،لاپ سویوق دور

قال ائوده،گئت حاماما قار یاغاندا