سنین سئوگین

‏عشقین باشیندا تاجدیر

بیر آلاقورددور،آج دیر

سنین سئوگین ایچیمده

باش قالدیران آغاج دیر

eşqin başında tacdır 

bir ala qurddur,acdır 

sənin sevgin içimdə

baş qaldıran ağacdır

گل قوجاغیما

یالنیزلیغی آت،گل قوجاغیما

بولودلارکیمین گل سراغیما

گئجه یاواشجا گل اتاغیما

عاشیغام سنه،بوراخمام سنی

باخما یادلارا،باخما دؤشمنه

قوی خراب اولوم،یاپیشیم سنه

ایستی بدنین باغیشلا منه

آپارگؤیلرَه،مست ائله منی

قوی چاخیر ایچیم دوداغلاریندان

الیندَن اؤپوم،آیاغلاریندان

اوددوتوم یانیم یاناغلاریندان

گؤزوندَن سیلیم دومانی،چَنی

بوتون دونیانی آباد ائیله رَم

باغلی ملتی آزادائیله رَم

آغلاراؤزلری لاپ شاد ائیله رَم

اؤرگین اولسا قلبیم مسکنی 

سئوگیلیم

ایستیرم یاغیش گلسین

گؤزل، بزنمیش گلسین

فرق ائله‌مَز سئوگیلیم

یای گلسین، یا قیش گلسین