بیر توخ آدام، آجی گؤرسون
درد چکمز، غم-غصّه یئمز
آج آدامی درک ائله مز
اوتانماز، اؤلمَز، اریمز
اوروج توتوب، ناماز قیلار
بوینو ائششک بوینو کیمین
میللتی لاپ دین سیز بیلر
اؤزونو، مؤمن، اهل دین
مسجدلره هئچ کیم گئدمیر
بوشالیب دای هئچ واخت دولماز
قدیم کیلر دؤز دئیب لر
آج قاریندا ایمان اولماز
برچسب‌ها: شعر, شعر ترکی, شعر طنز ترکی, کل اوغلان
به غیر حسرت آپارماز بشر بودونیادان
قوتور کئچی کئچر و شیر نر بو دونیادان
غرورو ترک ائله، دایم مَنم مّنم ائله مَه
سّنی ده توپراق ائدَر، الحذر بو دونیادان
دّرین دَنیزدیر آدام اوغلونو بَتَر بوغاجاق
نجات تاپمایاجاق بیر نفر بو دونیادان
وئریر میللته دائم خبر او دونیادان
اگرچه شیخ ده یوخدور خبر بو دونیادان
فلاسفه بویوروبلار، منیم سؤزوم ده بودور
بیرآز لذّت آپار مختصر بو دونیادان
اگرچه درس اوخویوب، لاپ سفیه دی نوع بشر
قودوق گلیبدیر و ائششک گئدر بو دونیادان
برچسب‌ها: غزل ترکی, شعر ترکی, کل اوغلان
قوش بئیین، مال باش آدام ترک ائیله مز آخماقلیغی
آی کیشی من اَللی ترم ائششک شناسی خوانده ام
برچسب‌ها: ائششک شناسی, تک بیتی ترکی, مال باش
وعده وئردین گلمه یه، وقتی که ترک ائتدین منی
گلمه دین سن سیز بوغوب، اولدوردو یالقیزلیق منی
برچسب‌ها: یالقیزلیق, تک بیتی ترکی, کل اوغلان, گلمه دین
دونیانین ایشلری قاریشیب لاپ بیربیره
درزی وورور ایگنه و دوکتور دلیک تیکیر
برچسب‌ها: قاریشیق, تک بیتی ترکی, دلیک تیکمک, کل اوغلان
گؤسترمز علاجی نی
کسمز دار آغاجی نی
هئچ کیم درک ائده بیلمز
ایچیمده کی آجی نی
gösterməz əlacını
kəsməz darağacını
heçkim dərkedə bilməz
içimdəki acicını
برچسب‌ها: ایچیمده کی آجی, کل اوغلان, بایاتیلار